ប្រធានបក្សប្រជាជនអំពាវនាវធ្វើយ៉ាងណាឱ្យការបោះឆ្នោតជាតិនាពេលខាងមុខប្រពឹត្តិទៅដោយគ្មានការគាបសង្កត់
ភ្នំពេញ៖ ប្រធានគណបក្សប្រជាជនកម្ពុជា សម្ដេចតេជោ ហ៊ុន សែន បានអំពាវនាវឱ្យមានការរបៀបរៀបរយ សណ្ដាប់ធ្នាប់ គ្មានការគាបសង្កត់ ក្នុងការបោះឆ្នោតជ្រើសរើសតំណាងរាស្ត្រអាណត្តិទី៧ ឆ្នាំ២០២៣នេះ។
សម្ដេចតេជោ ហ៊ុន សែន បានលើកក្នុងពិធីជួបសំណេះសំណាល និងអបអរសាទរខួបអនុស្សាវរីយ៍ទី១៣៧ នៃទិវាពលកម្មអន្តរជាតិ និងជួបសួរសុខទុកសហជីព សាខាគណបក្សតាមរោងចក្រ បុគ្គលិកសិក្សា និងតំណាងកម្មករទូទាំងប្រទេសព្រឹកថ្ងៃទី២៣ ខែមេសា ឆ្នាំ២០២៣ នេះនៅសាលមហោស្រព កោះពេជ្រ រាជធានីភ្នំពេញ ដោយបានអំពាវនាវ ធ្វើយ៉ាងណាឲ្យការបោះឆ្នោតជាតិនៅពេលខាងមុខនេះ បានប្រព្រឹត្តទៅដោយរលូន មិនមានការគាបសង្កត់ ដោយសេរី និងយុត្តិធម៌ ពោលគឺត្រូវស្ថិតក្នុងបរិយាកាសល្អបំផុត។
គួរឱ្យដឹងថាកម្ពុជានឹងរៀបចំការបោះឆ្នោតថ្នាក់ជាតិជ្រើសរើសតាំងតំណាងរាស្ត្រនីតិកាទី៧ ឆ្នាំ២០២៣ នៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ៕
PHOTO: KOK KY
